Na prensa de hoxe, nun medio de comunicación escrito, especúlase sobre a convocatoria da 13 Asemblea Nacional do BNG e sobre o Encontro Irmandiño como favorábel a manter as datas deste evento no mes de Outubro a pesares da convocatoria das Eleccións Xerais para o 20 de Novembro.

Desde o Encontro Irmandiño queremos aportar directamente a nosa posición ao respecto, que non é outra que a manifestada públicamente polos membros do EI no Consello Nacional do BNG do día 2 de xullo de suspender o proceso da AN na data mesma de anuncio da convocatoria das Xerais e que foi aceptado por asentimento de todas e todos. A mesma coincidencia xa se dera tamén na Comisión Nacional xestora do proceso preasembleario.